Banda di Benihana e security a wordo agredi pa dos homber diadomingo anochi. El a bisanan cu e prome vaknan di parkinglot ta priva. Tur anochi e security tey pa guia e clientenan. Aki e dos hombernan no a aprecia y a baha coy e security cu sla pasobra nan kier a parkeer den area prohibi. Como tres persona tabata testigo y hasta a purba kita esnan cu a bati e security. Polis cu a yega mesora a scucha e victima y testigonan. A base di esey a bay over na detencion di ambos cu a comete e agresion. E security tabata herida pasobra a haya sla tras di orea y tabata sinti su pols y tabata tin algun herida leve. E security a bay entrega keho mesora. Ambos agresor a wordo presenta dilanti sub fiscal. Eynan lo a dicidi si nan ta keda sera. E cadena y telefon di e security tambe a kibra ora nan tabata batie malamente. Esaki ta momento cu a bay over na detencion y cu dogcatcher a hiba ambos warda.
