Diaranson mainta a sosode un accidente riba e crusada di Emmastraat cu Rudolf Arendsstraat. E SUV color preto tabata riba caminda di preferencia den Emmastraat bayendo zuid.
E auto shinishi tabata den Rudolf Arendsstraat bayendo direccion pariba. E shinishi no a duna preferencia y dal den e SUV. E SUV a zwaai dal den e palo di lus. E chauffeur den e SUV a keda herida y spanta. Den e auto shinishi tabata tin varios mucha y chauffeur cu tambe tabata herida levemente y spanta.
Personal di ambulance a atende cu esnan herida. Polis di trafico a atende e accidente y otro polisnan a sera e area pa desvia trafico. Elmar a ser yama mirando e daño na e palo di lus. Basta daño material na ambos auto.
