Diasabra mainta a sosode un accidente na Nuñe. Polisnan di Noord a wordo manda poco pura pasobra ta trata di un accidente cu hende herida. Ora cu e unidad a yega a topa tres auto envolvi den e accidente. Buscando informacion a tende cu un di e chauffeurnan a huy na pia for di e sitio despues di e accidente. E lo a spanta parce.
E doño di e auto mes a presenta na e sitio. Haciendo mas investigacion a resulta cu no tabata mustra un accidente cu hende herida gravemente. Asina mes personal di ambulance a presenta. Nan a haci e control necesario riba esnan cu por a sinti malo. Takelwagen a wordo pidi pa hala auto. Bomberonan tambe a presenta pa asina yuda cu e limpieza di caminda pasobra e azeta a causa peliger. E accidente tin di haber cu falta di preferencia.
