Diasabra mainta entre 10:00am te merdia 1:00pm a tuma luga un tayer special na Cosecha San Nicolas. A invita Marilyn Croes pa facilita e tayer “Floral Dreamcatcher” pa participantenan di 15 aña di edad pariba.
Mas o menos 30 interesado a participa, pagando solamente 50 florin pa inscripcion. Esey a inclui material pa traha e obranan y algo pa refresca durante e 3 oranan di e tayer.
Marilyn Croes a splica cu e tecnica di Dreamcatcher ta bin for di e nativonan Mericano. Nan tabata pensa cu via e creatividadnan aki, cu lo wanta spirito malo pafo y laga e bonnan pasa.
E facilitado mes no a spera tanto interes, pa cual el a keda hopi contento. El a mustra disponibilidad pa organisa mas di e tipo di wokshopnan asina den futuro. El a gradici Cosecha pa e invitacion special aki.