Diahuebs trempan a sosode un accidente na e rotonde di Sero Teishi riba Green Corridor.
Un chauffeur cu un auto Tesla no a paga bon tino cu consecuencia cu e ciclista a bin dal den e auto y un dama ciclista a keda herida.
Polis a yega y topa e persona benta riba caminda. A pidi ambulance y na yegada a pone e victima riba brancard y transport’e pa hospital. E tabata keha di dolor na entre otro su pia pa motibo di e impacto. E dama tabata na tino.
E impacto tabata fuerte si mira e daño material cu a keda riba e Tesla.
