Diasabra merdia a tuma luga un accidente riba e cruzada di Emmastraat cu Koningstraat, unda cu un Hyundai, numera V-346, maneha pa un pareha turista, a dal contra un Toyota Yaris.
Nan tabata riba e caminda di Koningstraat bayendo abao y no a duna preferencia na e Hyundai cu tabata bin di nort den Emmastraat. A pesar cu tin polis drumi, asina mes no a paga tino cu mester a duna preferencia.
Nan a sigui core sin tene cuenta cu borchi di preferencia, cu tur consecuencia.
Tabatin un persona levemente herida. Ambulance a yega na e sitio pa asisti e victima. Polis tambe a presenta pa sina atende e accidente.
E accidente a tuma luga na altura di Wit Gele Kruis. Daño material ta considerabel.
