Den oranan di anochi Polis a ser pidi pa bay pura den direccion di e crusada na e Tanki di Cas Ariba. A drenta informacion cu tin un accidente basta grave.
Ora cu Polis a yega a topa un taxi y un sedan envolvi. E taxi tabata bay direccion zuid pa Urataka y e sedan tabata bay direccion pariba. Aki e taxista no a paga tino y pasa e crusada sin duna preferencia. E impacto a causa cu e dama den e sedan a keda herida. E no tabata grave pero paramediconan di ambulance a yude eynan mes.
