Dos avion militar Ruso a baha na Venezuela

Dos avion militar Ruso a yega durante e fin di siman na e aeropuerto internacional cu ta sirbi Caracas cu ekipo y funcionarionan pa honra contratonan militar, un testigo a bisa Reuters y e agencia estatal di noticia Ruso Sputnik.

E aeronave Ilyushin II-62M, cu matricula RA-86496 y cu capacidad pa 186 pasahero, a yega diasabra na e aeropuerto internacional Simon Bolivar, na e ciudad costero di Maiquetia y, segun un testigo di Reuters a contata, ainda ta eynan.

Di acuerdo na e aplicacion di siguimento di buelo flightradar 24, e avion a sali do e base Chkalovsky na Moscu, diabierna. Segun e periodista Venezolano specialista den temanan di siguridad, Javier Mayorca, den e avion a bin 99 militar Ruso, na mando di e hefe di Comando Principal di Forsanan Terestre di Rusia, Vasily tonkoshkurov.

Minuutnan despues, un Antonov An-124 a baha, di matricula RA-82035 cu 35 ton di materialnan “perteneciente na e contingente cu recien a wordo desembarca,” Mayorca a agrega riba su cuenta di Twitter sin precisa e fuente. Segun flightradar24 e avion tambe a sali for di e base aereo den e capital Ruso.

E agencia estatal di noticia Ruso, Sputnik, a confirma yegada di e avionnan y citando fuentenan di e embahada Ruso na Caracas, a bisa cu e funcionarionan a yega pa honra contratonan militar di largo dato.

“Rusia tin varios contract cu ya ta den proceso di cumplimento, contratonan di caracter tecnico militar y haci varios vuelo y trece varios cos,” e fuente di e embahada Ruso a bisa cita pa Sputnik.

“(E vuelonan) no tin nada di misterioso,” el a agrega sin duna mayor detaye.

E forsanan arma di Venezuela ta conta cu caza, helicopternan artiya, tanki, vehiculonan blinda, misil, bom, cañon y armanan Ruso. Ademas ta posee sistemanan antibalistico y defensa antiaeereo proviniente di e pais Euroasiatico.

Demostracion di poderio

Den pasado, Rusia a uza vuelo di aeronavenan militar pa Caracas pa haci un demostracion di su poder militar ante Merca, satisfaciendo e autoridadnan Venezolano, cu ta considera cu e vuelonan aki como un prueba cu, hunto cu su aliadonan, nan por defende nan mes di cualkier atake.

Maduro sa referi hopi biaha na e posibilidad di un invasion Mericano, un opcion cu Donald Trump a lag riba mesa.

Na Januari, Reuters a reporta cu contratistanan militar priva, cu a realisa misionnan secreto pa Rusia, a biaha pa Venezuela, pa colabora cu e siguridad di e presidente Nicolas Maduro, frente e protestanan opositor.

Na December, dos bombardero Ruso capas di transporta armanan nuclear a baha na Venezuela, den un muestra di e apoyo na e gobierno socialista di Nicolas Maduro cu a enfurece Washington.

Varios cuenta riba rednan social a publica potret di e avionnan para na Maiquetia y di e personal militar descargando pertenencianan. Un aplicacion di rastreo di vuelo a mustra cu e Antonov, un avion pa carga di dimensionnan grandi, a bandona Venezuela diadomingo mainta.

Ministerio di informacion di Venezuela no a tabata inmediatamente disponibel pa comenta e hecho. Vocero di e ministerio di Relacionnan Exterior di Rusia y vocero di Kremlin tampoco a responde na un mensahe di Reuters en busca di comentario.

Venezuela ta atravesa un crisis sin precedente cu a agraba na Januari ora, ampara den e Constitucion, e lider opositor Juan Guaido, a declara su mes presidente encarga tras di a acusa Maduro di a wordo reeligi den eleccionnan fraudulento.

E situacion Venezolano a enfrenta e superpotencianan mundial. Merca, mescos cu mas di 50 pais occidental, a reconoce Guaido como mandatario.

Rusia, sin embargo, a bisa cu Maduro ta sigui ta e unico lider legitimo di e pais.