Diahuebs atardi a sosode un accident na e crusada di Doormanstraat na San Nicolas. Esaki a pone cu polis a sali cu urgencia na pia for di warda.
Na nan yegada, nan a topa cu dos auto, un Kia Sportage y un Mitsubishi, y un ambiente cu hopi tension. Locual por a compronde ta cu e Sportage shinishi tabata biniendo for di abou y no a duna preferencia na e Mitsubishi, cual tabata biniendo for di Zeewijk cu intencion di lora pa su man drechi.
Esaki a causa e accidente. Den e proceso di discusion, un di e partidonan no a keda contento cu locual a pasa y a cuminsa tira sla. Afortunadamente, polis a interveni y calma e situacion te ora cu Forensys a yega na e sitio pa tuma e declaracionnan.
