Diabierna marduga pa algo prome cu 4or central di polis ta wordo notifica cu un dama a wordo probablemente viola na altura di Hilton.
Patruyanan di Noord a wordo manda pa e sitio. Na yegada a topa cu e turista riba beach y su parti abou sunu. Mesora tur autoridadnan competente a wordo poni na altura. Ambulance a presenta y nan a bay mesora cu e victima pa hospital.
E area caminda e victima a wordo haya na beach a wordo sera. E investigacion ta uno caminda a yama e demas departamentonan pa presenta y reforsa e investigacion. Tanto na e sitio como tambe na hospital a manda hende mesora.
Dokternan a cuminsa samina e victima femenino. No por a saca afo mesora si e victima tabata bou influencia y unda el a bay y cu ken. Sigur un caso tristo y serio cu por bira un peliger pa e area turistico. Autoridad lo bay haci un investigacion full den e area pa haya e imagennan di seguridad cu tin.
Asina lo por haya kizas algun imagen di e persona cu por tabata den su cercania. Famianan di e victima turista tambe a ser avisa. Cuerpo Tecnico a presenta banda di 7or na e sitio di incidente. Nan a bay haci nan parti investigativo cu ta importante pa evidencianan necesario.
E caso ta bou investigacion.
