Tabata pa mas o menos 12:05 am cu polis a presenta na Playa Linda p’un problema di pareha. Ta despues cu e pareha a yega for di un bon paranda, riba nan nek y bay pleita den camber.
Cos a bay asina leu cu siguridad di dicho hotel mester a interveni. Sinembargo, e homber no a gusta presencia di siguridad na su port’i camber. Nan tabatin henter e piso di unda nan a keda terorisa. E otro clientenan tabata keha di e molester di e duo aki. Gritamento duro a pone cu a bati alarma mesora na polis.
Na yegada di polis, e homber no kier a coopera. No a keda nada otro pa detene y transport’e pa ward’i polis, unda e lo sosega su curpa pa e rest’i anochi. Prome cu e sospechoso a subi e transporte policial, el a declara: “Nan ta detene mi pornada.”
