Un rato pasa alrededor di 6:45pm polis motorisa a start un persecucion tras di un scooter marca Gilera den Driemasterstraat. E persecucion a termina te den Madiki Kavel.
Tur cos a cuminsa ora cu e scooter no a pone señal pa bira. Aunke cu a haci uzo di zwaailicht y sirena pa par’e, e no a respeta y a sigui bay te Madiki Kavel.
E nummerplaat rib’e scooter ta registra riba un otro brommer. A duna e homber un multa y a confisca e scooter mirando cu no tabatin documento valido riba dje.
