Diadomingo net un tiki promer cu 5:00PM, a pidi presencia di polis, pa intermedia den un problema di pareha na un adres na Tamarijn.
Ora polis a presenta, e situacion tabata mas o menos bou control. Asina mes Polis a intermedia, papia cu nan, dunando nan algun bon conseho con pa anda cu situacionnan asina. Aki a logra calma e personan envolvi cu tabata bastante altera.
Un rato despues nan por a comunica na un nivel civilisa cu otro. E personanan envolvi a laga sa cu nan mes lo regla e asunto entrenan mes, pa asina tur cos por suavisa atrobe.
Mirando e cambio di actitud, e agentenan a opta di laga tur cos caba asina, a bandona e sitio y a sigi nan caminda.
