Diamars mainta alrededor di 11:00 am, un persona den e area di Malmok a mira e conocido ladron Hoi Kelly, cu a coy cierto pertenencia. Hoi tabata riba bicicleta y na momento cu el a mira cu nan ta su tras el a cuminsa purba huy. Mientras cu e persona ta su tras, Hoi a tuma direccion di Bakval.
E persona a yama polis tambe. Hoi a lora bek bin direccion Marriott Hotel. Polis a yega mesora y a topa Hoi y a bay over mesora na detencion. Hoi no a aprecia cu nan a deten’e pa ladronicia. E ta bisa cu; ta pornada a deten’e.
E no a horta nada. Asina mes a hib’e warda den e transporte policial. A hasta confisca su bicicleta. Despues di merdia, den oranan trempan di atardi ya caba Hoi Kelly tabata liber. Cu otro palabra, husticia na Aruba ta smal pa un y hancho pa otro. E mesun Hoi Kelly aki tin ‘blacklist’ varios caminda pasobra a gar’e ta horta. Ora gar’e hasta e ta rabia papia malo cu hende. Hoi Kelly no ta busca un trabou honra pa haci.
Ta prefera keda horta. Masha contento e tabata despues cu apenas algun ora e tabata liber caba. Hasta un video nos a haya di su expresion caminda pa cas diamars despues di tabata deteni pa sospecho di ladronicia na Malmok.
