Diadomingo anochi alrededor di di 8:00 pm a sosode un accidente net dilanti Wind Creek Casino riba L. G. Smith Boulevard. Aki ta caminda cu chauffeur di un auto marca Mazda color shinishi numera A-20824 a dal tras di un Toyota Rav4 numera A-26352. E chauffeur di e Rav4 tabata keha di basta dolor na su lomba.
Ta suficiente motibo pa ambulance presenta na sitio. Despues di un chekeo medico, a dicidi di bay cu e victima pa hospital p’e ricibi atencion medico mucho mas avansa.
Mientrastanto, polis a ripara cu e chauffeur di e Mazda su comportacion tabata poco straño. Despues di haci un test di alcohol cu ne, a resulta cu e tabou influencia di alcohol. Contrario na normal, no a detene pero si a transport’e pa warda di polis den un transporte policial.
