Diahuebs mainta, pasa di 11’or, a sosode un accidente basta grave riba e caminda di Santa Cruz, na altura di sede di MEP. Un chauffeur cu tabata test un auto pa asina cumpra esaki tabata hunto cu e doño sinta na banda.
E futuro doño tabata na stuur pa test e auto y tabata na caminda pa tank e auto cu gasolin. Mientras cu e tabata core, probablemente cu velocidad poco halto tambe, a perde control di stuur, a baha caminda y a dal den un palo di luz.
E impacto tabata fuerte. Tabata tin un señora grandi sinta den auto cu lo ta e doño. El a keda herida cu un kap basta grandi na cabes cu tabata sangra hopi. E chauffeur tambe a keda herida. Dos mucha tambe sinta patras tabata levemente herida.
Tres ambulance a presenta na e sitio, pa asina atende cu esnan cu a keda herida. A transporta nan pa hospital. Elmar a wordo avisa pa atende cu e palo di luz y takelwagen a wordo pidi pa hala e auto. Polis a cera e caminda varios parti y tambe polis di trafico a presenta pa investiga e accidente.
E tabata na momento di un prueba, pa mira si lo cumpra e auto y e futuro doño, ta dal e auto kibra y lag’e total loss. Esey a paralisa tur e trafico tambe den e oranan mas pisa na Santa Cruz cual ta merdia.
