Dialuna anochi alrededor di 8:15 pm a pidi unidad di brandweer cu hopi pura den Olijfistraat. Aki ta caminda c’un candela di mondi tabata menasa un cash’i coriente.
E ta un situacion sumamente peligroso mirando cu ta trata aki ta voltahe halto di coriente. Ya e candela a yega n’e muraya y tabata cla pa tuma poder di henter e cash’i coriente.
Bon mes e unidad di bombero a yega na ora. A bay over mesora n’e proceso di paga candela.
E bisiñanan tabata cla para cu hemchi den man, nan sa cu, si e candela tuma poder di e cash’i coriente, ta henter bario ta bay plat. E bomberonan a combati e candela den un rato di ora y asina evita lo peor.
