Polis a core bay airport pa asina detene un homber prome cu e subi avion. El a check in caba y pasa Imigracion pa asina sigui pa Colombia. E tabata biahando cu su handbag so ora a detene. Ta parce cu mas bien e kier a huy pasobra a sinti cu husticia ta bin p’e. Tin denuncia haci contra dje. E no ta trata di sospecho di abuso sexual di menor.
Den e caso aki Jeugd en Zeden Politie a haya denuncia contra dje pero pa abuso sexual di un mayor di edad. El a abusa sexualmente di un adulto. Despues di e denuncia a cana un investigacion unda ordo di detencion a drenta. Prome cu a detene e sospechoso, ya caba el a busca manera di bandona Aruba.
Den e caso aki a strob’e. A bay su tras prome cu e subi avion cu destino Colombia. Te den un di e salanan den area di restaurant a detene. A hib’e warda di Playa unda e oficina di JZP ta situa. Eynan un subfiscal a atende cu ne. Djey a mustr’e riba loke tin sospecho contra dje.
Despues di esey anochi a drenta y a bay cu ne warda di Santa Cruz unda e lo keda cera pendiente interogacion. Tene relacion sexual contra boluntad di un persona ta un acto castigabel. Ta mescos bo a viola un hende. Ora e detene e homber e tabata tin su handbag cu ne. E polisnan a sali di warda di Playa cu e transporte mesora pa busca e homber prome cu e avion lanta vuelo pa Colombia.
