Diasabra anochi pa mas o menos 7:00pm a pidi presencia di Polis na un cas situa na Bushiri pa un problema entre pareha. Na e sitio a topa cu un dama maltrata, cu a conta Polisnan cu su pareha a yega cas burachi y a cuminsa agridi’e.

Polis a atende cu e situacion mesora y a detene e abusado di hende muhe aki na e sitio y a hib’e Warda di Polis pa e duna cuenta di su actonan. Na e sitio por a compronde cu no ta prome bes. Polis a mustra e dama riba su derechonan.

E victima a keda di bay entrega keho na Recherche pa asina autoridad por prepara un caso. A mustra e victima riba e hecho cu sin un denuncia oficial, ta bira dificil pa mantene e homber cera. Asina lo no por caba tampoco cu e fenomeno di violencia domestico.

Comments

comments