Diasabra anochi Polis a tene un accion di listramento preventivo den centro di Oranjestad. Ey a controla pa arma, droga y tambe a probecha verifica permiso di estadia y trabou di ciudadanonan stranhero. Varios stranhero sin documento valido a bay Warda di Polis pa un control y verificacion di permiso. E proceso sinembargo no a bay facil tur caminda.
Na Silla Bar & Restaurant den Hendrikstraat, ora Polis a drenta e establecimento, dos homber a sali na careda, pafo nan a subi dak y purba scapa di e control. Locual nan no a conta riba dje ta cu Polis a sali cu un ekipo bon prepara, capas pa atende tipo di intentonan asina.
Te riba dak a logra detene e dos hombernan aki y baha nan bek pa bay Warda di Polis. Ey a pasa nan over pa Warda nos Costa, cu ta sigui cu e investigacion y eventual deportacion for di nos isla.
