Diahuebs den oranan di atardi 6or a drenta informacion cu tin un van moviendo sospechoso den e area di Sero Lopez. Despues a drenta mas informacion cu tin dos homber den e van. Esnan cu a yama Polis a bisa tambe cu e van cora ta un Hyundai V-500.
Polisnan di Santa Cruz a yega den e vecindario di Sero Lopez y net e van a caba di move. Polis a haya indicacion unda e van a bay. E polisnan a bay su tras mesora y ta topa cu e van banda di Piedra Plat. Despues di rotonde banda di Bright Bakery a duna señal pa e van stop. Polis a baha bay atende cu e dos personanan.
Ambos a bisa Polis cu nan a bin Aruba for di Venezuela. Nan tabata bendiendo cos. Nan tabata trahando riba caya cu benta di cosnan cu nan a trece Aruba. Polis a pidi pa un permiso y nan no por a mustra ningun clase di permiso pa bende of traha na Aruba.
Nan a bin como turista y durante nan estadia como tuirista nan a haya bon di bay bende cos riba caya ilegalmente. Cas pa cas nan ta pasa bende nan cosnan cu nan a trece. Polis a pone ambos na boei ora cu a detenenan. A pidi dogcatcher cu a presenta na e sitio. A hiba nan warda pa asina atende cu nan riba nan datos. Djey a avisa Guarda Nos Costa cu a keda di tuma ambos persona over y sigui cu e proceso pa deportanan for di Aruba. Den e van tabata tin pomp di awa, cuchiu of zaag di coriente etc. Polis mes a core cu e van bay cune warda.
