Diasabra marduga despues di mey anochi a pidi presencia policial na Tanki Leendert. A drenta informacion cu un auto a ser destrui. Un Toyota geel cu tabata para riba caminda. Parce ta un grupo di hoben femenino ta esunnan cu a comete e acto. Cu un boter a destrui e auto para canto di caminda.
Ta un problema cu segun e doño di e auto e no sa di dje. E no tin problema cu e grupo di hende cu a bolbe na e sitio. Testigonan a bisa polis cu e auto cu a pasa tin esunnan cu a destrui e Toyota geel. Polis a bay atend’e mesora cu nan y un dama a keda deteni.
Parce cu sea el a comete e acto of no a copera masha cu autoridad. Un amiga cu tambe kier a mete y stroba polis a haya un scual. Nan ta bebi y no kier rasona. Kier ta mucho cerca di e sospechoso deteni.
Polis a hib’e sospechoso warda. Otro amistad nan di e sospechoso tambe a bin na e sitio y nan tambe polis a core cu nan pasobra nan kier a mete cu polis su trabou. Finalmente a bisa nan cu subfiscal ta dicidi kico ta bay sosode na warda di Playa. E amistadnan a bay warda di Playa pa busca drechi di nan amiga.
E doño di e auto a bisa cu el a sali dal un trip trankil. El a bishita un bar na Tanki Leendert y laga su auto pafo riba un distancia. Awo ta haya su auto destrui sin tin problema cu hende. E kier pa nan drecha su auto. E ta traha duro pa yega su auto. Polis a bis’e cu e proceso ta keda den man di recherche cu ta sigui cu e investigacion. Polis a tuma e denuncia y lo pone riba papel pa e doño di e auto destrui pasa firma.
