Polisnan atento a para auto riba LG Smith Blvd direccion Arashi.
A mira e Nissan Cube RHD coriendo direccion Arashi y dilanti no tin number. Ora a chek e belasting di e number di e auto, esaki no tabata paga. Dilanti e no tin plachi number y esaki a duna mas motibo pa un control.
Polis a para e chauffeur. A resulta cu e no tin rijbewijs. E auto tin plachi patras so y sin ta paga. Ora a bay pidi documento di e auto na e chauffeur sin rijbewijs, a resulta cu e auto no tabata tin e papelnan di seguro y keuring tampoco.
A cuminsa ma detene e chauffeur masculino pa core sin rijbewijs. Esaki ta un delito awendia. Tambe a avisa e damita cu e auto no mag core riba caminda.
Si causa un desgracia sin seguro etc e ta bira un problema. El a yama su mama pa bin busc’e. Polis a bise cu si topa e auto riba caminda lo kit’e for di caminda.
E chauffeur sin rijbewijs a bay cu ne warda pa un subfiscal atende su detencion y djey pasa e proceso di interogacion prome e bay liber atrobe.
