Diadomingo merdia varios local a tuma contacto cu nos redaccion.
A tuma nota di e helicopter di polis bula hopi abou banda di e area di Urirama. Dado momento hasta nan a baha full na tera.
E polis den e helicopter a cuminsa cana den e area buscando algo. Ta sospecha cu algo a drenta atrobe den e area panort di Aruba sin cu a descubri esaki na tempo marduga.
Esakinan ta zonanan cu dificilmente radar ta capta. Ta areanan peligroso tambe pa bida di hende cu ta purba drenta via e parti nort di Aruba.
Despues cu a baha e helicopter na Urirama y cana rond rond, no a topa nada. Asina mes a sigui bula bay bin na un altura hopi abou sin resultado positivo.
Esaki ta fotonan di loke tabata andando diadomingo merdia banda di 12or entre Urirama cu e caminda cu ta bin di Boroncana.
