Un rato pasa alrededor di 11:45pm, dos polis a hera perde nan bida riba L.G. Smith Boulevard ora cu un auto marca KIA color cora kima numera A-21988, por poco a alcansa nan riba bais. Ora a dun’e señal pa para, no a respeta y a trot bay direccion Stadionweg.
Den Stadionweg net parib’i Cas di Cultura a chang’e di tur skina. Su hazaña no a dura hopi, for di Linear Park te cu Stadionweg ora cu polis a par’e y deten’e mesora. Ta considera e movecion aki como intento di asesinato.
E dos pasaheronan a pidi “Taxi 11” y a haya nan mes ta hal’e na pia bay p’ariba. Na final a confisca e auto y hib’e ward’i Balashi mientras e sospechoso a bay den transporte policial pa ward’i polis pa mas investigacion y interogacion.
