Habitantenan di bario ta hopi disgusta cu loke algun persona sin escrupulo ta haci cu of den nan bario di Mabon.
Diferente persona a papia cu disgusto di un situacion cu a bin ta notando algun tempo caba ora cu nan yega tur diadomingo pa servicio religioso.
Na momento cu staciona auto lomba pa misa, ta topa cu e bista mahos di un cantidad di sushi tira den e parti habri eydilanti.
No sa di kende e tereno ta, pero esey no ta importante. Loke mester cuestiona ta e acto di personanan inconsciente y sin ningun sentido di moral cu ta tira nan sushi di cas riba un tereno publico y dilanti e misa.
Por a tuma nota di caha di airco y frigidaire, Pero e mas mahos ta cu tin sushi di cura. Esta ta corta mata y ta parce cu ta lastra tira nan eybou, mescos cu artefacto bieu.
