“E tabata un honor pa por a corona Miss Universe 2022 di Aruba, esta Kiara Arends. Un persona inteligente y cu un curason pa yuda otro, Kiara por ta sigur cu lo tin ful Aruba su apoyo y sosten”, asina Minister Ursell Arends a bisa despues di e ceremonia di coronacion.
“Aunke nos a corona un Miss Aruba nobo, nos no por lubida di gradici nos Miss Universe saliente, Thessaly Zimmerman, cu a haci un gran trabou, no solamente como un di e top 10 finalistanan, pero tambe un sostenedo di salud mental.”
Thessaly y Kiara ta un inspiracion pa tur hoben, sea si nan kier representa Aruba den exterior of pa duna bek na comunidad localmente.
