Por a mira cu tin cambio cu a tuma luga na waf na Playa pa controla trafico. E touroperatornan cu ta traha casi tur dia ora di barco, e cambionan ta hopi bon, segun touroperator Greg Brown. E polisnan ta haciendo un bon trabao. E mes tin algun aña den e industria y awo e tin apenas un aña riba su mes. E cambionan ta bon y e ta contento con e cos ta bayendo awor aki. Antes e tabata fastioso, pero e ta bayendo bon. Ta spera cu e por sigui asina y den futuro por haci mas cambio pasobra mester algun cos mas.
Tour
Segun Brown, ta berdad cu si e bus ta para na cuminsamento, ta mas facil pa yena, na luga di cana bay cu e turistanan. Hopi biaha e turistanan kier servicio di biaha, nan lo no kier cana bay pabao pasa tanki y despues pa yena e bus. No ta facil pa haya un grupo di biaha.
Prijs
E touroperatornan ta mantene na prijs di gobierno. Nan mester bin cu algun borchi cu ta poni p’aden cu ta stipula e prijs. E ora e turistanan cu ta sali pafo, nan sa caba e prijs y cu e prijs no ta cambia. Tin turista Mericano, si nan kier duna un tips of kico cu ta, esey ta algo otro.
Acercamento
Segun Brown, e salida ta hopi amplio y paden tambe tin busnan cu ta para paden. Tin trahado cu ta para cu ta warda turistanan paden. E ta hopi amplio pa nan sali pafo. Aruba ta un isla hopi internacional. Nan ta entrena pa traha cu turista. Nan sa con pa acerca e turista y kico pa bisa nan. Na Aruba ta hopi mas trankilo y suave. Brown ta contento cu e fluho di hendenan cu ta bin y e maneho cu autoridad tin cu ta bayendo awor aki.
E negoshi
E negoshi ta bon, solamente loke ta pasa cu tin low season y high season. Ta cinco luna di high season tin cu por traha y spaar bo cen. Por lo general e otro lunanan, no mucho di haci. Keda cas, traha carpint’e, chapi cura, por ehempel.