Tin cambio cu a tuma luga pa acomoda e touroperatornan y taxi na porta di waf crucero. Curtis Pieternella ta un di e tourguidenan y a comenta cu e cambionan ta bayendo pa miho y e ta hopi contento pa esey. Polisnan cu ta traha na e sitio, a mira e situacion y e ora ey nan a dicidi pa papia cu e touroperatornan mes y cuminsa trece e cambionan pa nan eybao. Pa Pieternella, e ta bayendo hopi positivo. Nan ta haci nan trabao manera mester ta.

Dolor di cabes y molester

Tabata tin algun molester si. Tur hende kier yega pareu, of tur hende kier cana riba otro, trapa riba otro. Awor aki nan a organisa nan mes pa e cos cana mas netjes. Prome no tabata tin mucho union. Awo nan ta mas uni, manera un famia. Tin biaha por discuti, pero toch ta yuda otro pa cos cana nechi.

 

Busnan grandi

Hopi di e touroperatornan chikito no tabata mucho diacuerdo cu e busnan grandi ta para tempran. Ta pa e motibonan ey a pone e borchinan di ora, cu esun cu yega prome ta bebe awa limpi. Awor aki tin number. Esun cu yega prome ta haya e trabao prome. Ta spera cu mas y mas e por organis’e mas bunita, e ora pa e cos por cana nechi pa e touroperator y tourguidenan. Pa ora e turistanan pasa, nan sinti cu tin trankilidad y no ta mira pleitamento.

 

Tour y beach

Loke e touroperatornan ta desea di haya beach. Hopi biaha tin rijnan largo di turista na Arubus y e localnan cu ta bay hotel, ta rabia pasobra tin hopi turista. E touroperatornan por brinda e servicio di hiba e turistanan beach. Si nan haci e tour y ta bahanan na beach, e no ta mira e problema pa hiba nan beach. Tin hende ta bisa cu ta trabao di taxi. Pero ora e turistanan bin bek, taxistanan no ta acepta nan muha den nan auto, pero e touroperatornan si ta acepta nan.

 

Temporada abao

E temporada abao ta biniendo y ta di spera cu e no bira dje malo ey. Pieternella ta spera cu gobierno por anuncia cu por bin mas barco. E ora e touroperator su trabao por sigui. Tin seis luna bon y seis luna no mucho bon. Actualmente nan ta trahando mas duro posibel pa cubri nan gastonan, incluyendo belasting. Pieternella ta recomenda pa gobierno yuda pa haya mas barco y bon barco, cu por yuda e economia di Aruba.

 

Diferencia den barco

Pieternella ta mira e diferencia den e barconan. E barconan Europeo, no kier haci mucho cos. Nan kier bay mas tanto beach. E latino y e Americanonan kier haci mas tanto tour. Si nan por trece loke ta Mericano of Latino mes, cu kier haci tour, y cu ta bay shop y gasta den tienda, ta hopi bon. Esey ta algo importante.