Den cercania di dos scol den Gutenbergstraat tabatin un adicto ambulante y tabata haci cosnan perverso. Den oranan di merdia e adicto ambulante tabata para dilanti di Yuxi supermarket y tabata mustra su parti intimo na tur cu yega.
Di biaha polis a yega na e sitio pa asina atende cu e situacion fastioso aki. Nan a papia cu e homber y a pidi’e p’e bandona e sitio. Polisnan a splica e adicto ambulante cu loke e ta haciendo no ta e forma corecto, specialmente cu tin yen mucha rond. E adicto ambulante a mustra di no tin respet pa polisnan y a mustra nan su parti intimo.
E adicto ambulante aki ta un persona cu tin problemanan mental. Pero esey no a kita cu e polisnan a scual y a bis’e cu si un biaha mas e para mustra su parti intimo, lo tin consecuencianan fuerte p’e.