Ya ta 3 siman cu a pasa cu Stimaruba a hala atencion cu tin 3 neishi di shoco cu ta core peliger den Ser’i Noka. A mustra cu Ser’i Noka ta un Patrimonio di nos pueblo y cu ta cay bou di un fundacion cu nombernan scirbi na KvK. Hopi tempo e ta habitad di shoco. Si tin tres persona ta miembro di un fundacion,ta bon asina. Ser’i Noka no mester di hende cu ta bisa cu ta drecha e teatro.
Pero ta bin ta malogra nos parha nacional. Si e parha no haya oportunidad pa drumi riba e webonan, tene e webonan cayente di tanto temperatura e webo ta daña y e parha chikito ta muri den e webo. A hunga diferente comedia di artistanan local masha conoci. Hendenan di Sta Cruz a traha e teatro Ser’i Noka cu masha amor. Mescos e kleuterschool “Trupial” (Pa educa nos pueblo)y Credit Union (pa educa nos pueblo) ta hende di Sta.Cruz a percura pa nos haya loke mester den Sta,Cruz.
Stimaruba tambe a pasa un film di e filmista Jacques Cousteau cu ta un biologo marino cu a filma piscanan rond den caribe, tur ta pa( concientisa e pueblo) y pa cuida nos naturalesa, hopi piscadonan rond Aruba a bin gosa y a conoce tur pisca. Tur cu ayudo di Biblioteca Nacional cu a percura pa un pantaya hopi grandi, asina pa e arubiano conoce kico ta biba den lama.Tur ta pa (enseyansa). Esaki ta pa educa nos pueblo. Muchanan a planta Yerba y mata medicinal 2 luna pasa, tur a worde ranca pa esnan cu ta bisa cu nan a bin limpia Seri’Noka. Grupo di Sta,Cruz ta percura cu den temporada di cuaresma ta kita ramanan cu ta den e bereyanan pa tur fielnan haci nan “Caminda di Cruz”. Hasta den higra di Solo pa 3 or di merdia ta haci “Caminda di Cruz”.
Den “Aña Santo” a resa, canta y honra nos Tata tur dia na e Cruz grandi cu ta keda meymey den e teatro. Kico nos ta weita awe. Ta temporada di Procrea di tur shoco riba nos isla. Un tempo funerable pa e parhanan ey. Shoco ta cay bou di nos “Landbesluitbescherming eenheemse flora en fauna” .. Mescos cu e Turtuga, cangreu, yuana, cascabel y mas cu ta cay Internacional bou di CITES y hasta tin cu ta endemico. Pesey mester respetanan, nan ta den extincion, henter Parlamento A FIRMA pa e SHOCO a worde proclama como Simbolo National di Aruba. Awor ta bin cu musica duro, hopi desorden cu ta spanta e parhanan miedioso den e temporada di mas funesto pa nan. Un school mester a cana 50 m leu di un neishi pa no stroba e shoconan. Kiko awor di e beheit mayan? Di Imberdad ta stima nos Shoco e parha Nacional?
