Lider di fraccion di AVP, Marlon Sneek a reacciona riba independisacion di scolnan publico, cu a continua. Tin un mocion den parlamento y den un forma silencioso tin cosnan ta pasando cu ta capta atencion di e fraccion.
Segun Sneek, ta lamenta e forma cu e minister a reacciona riba e hecho cu a pidi un reunion publico riba independisacion di DPS. Fraccion di AVP ta para pa tur trahado y ta lamenta cu e minister ta bruha cos y bisa cu eynan ta un movecion partidista cu AVP lo kier bruha tera cu trahadonan y cu Marlon Sneek ta traha pa un stichting.
Marlon Sneek ta traha pa SKOA y no pa chens, sino by choice. Marlon Sneek ta un creyente. Pesey Marlon Sneek a scoge un scol catolico y Marlon Sneek ta di Dakota. Pesey Marlon Sneek ta traha na un scol di SKOA. Marlon a bay pa traha pa su bario. El a scoge esey. No ta pasobra cu Marlon a scoge pa traha pa un stichting. Esnan cu den nan momento, pa nan motibonan a scoge pa traha pa DPS, pa ta ambtenaar, y pasobra Marlon a scoge pa un stichting. Absolutamente cu no, e parlamentario a splica.
Cada ken ta scoge loke nan kier scoge y tin cu respeta cu nan a scoge esey. Den e mocion aki no tin ningun Memorie van Toelichting y cu supuestamente maestronan di scol a firma y cu e independisacion cu el a haci cu Middag y Avond MAVO, no a mishi cu maestronan di scol, a mishi gewoon cu e trahadonan cu no ta bay ta den e structura mas. E parlamentario a comenta cu si e ministernan a bay na e encuentronan, entre otro na Noord, caminda cu tur hende tabata sinta eynan. E maestronan mas cu tur a trece dilanti ora cu un di e werksternan a expresa su preocupacion. Cada un trahado, segun Sneek, tin e mesun balor, sea cu e ta un werkster, of administratieve kracht, of cabesante di scol, docente, tur tin e mesun balor. E mocion ta bisa bon cla cu ta urgi e minister di enseñansa pa cancela den forma definitivo e plan di independisacion di scolnan publico y pa informa scolnan publico y personal di scolnan publico. E cancelacion definitivo aki, cu ta inclui e plan di independisa EPI tambe. Sa cu e ta tur caminda bezig. Mescos cu por a mira caminda tabata tin un “Trai Merdia” y “Nos Atardi”. “Nos Atardi”, el a hink’e den un stichting caba. “Nos Atardi” no ta cay mas bao di DPS. Ya esey el a haci un stichting caba y e siguiente ta “Trai Merdia”. Manera cu sa, na Trai Merdia ta leidster tin. No ta maestronan di scol. Supuestamente nan no a firma, pues nan no ta conta. Nan si por independisa.
No a bisa cu no ta independisa ningun hende. Kier garantisa cu en todo caso esun cu ta traha na scol, esun cu ta traha na DPS, ta papiando di trankilidad y paz mental cu e hendenan aki mester tin. No ta importa cu ta werkster, of ta traha den oficina, si ta cabesante di scol, etc. Pesey e mocion aki a wordo traha. E mocion aki no a wordo traha pa maestronan di scol so, sino pa tur trahado di DPS, e parlamentario a splica.
