Diadomingo pa mas o menos 9:30pm, un pareha canando cerca di Biblioteca Nacional den George Madurostraat a presencia con un homber tabata maltrata un hende muhe malamente. E pareha a intermedia y e homber a wanta e abusado pa e no sigui golpia e señora. A yama Polis.
Ora Polis a cuminsa investiga, a resulta cu e homber ta ex-casa di e señora. Nan a haya un discusion te cu e homber a bahe for di su auto y maltrate cu mokete y skop na suela.
Despues di intervencion di Polis, e señora a opta pa NO entrega keho contra e homber. Es mas, na final el a dicidi di sigui cu e homber mes den auto pa bay cas.
Polis a mustre riba e hecho cu e ta expone su mes asina na mas maltrato, pero e señora a scoge pa sigui cu su “ex”.
