Mainta Polis a descubri otro boto ilegal

2003
rbc mobile banking
Coney Island
Na Boca Catalina Polisnan a wordo yama pasobra tin un boto sospechoso mara na un boca. Na yegada di Strand Politie nan a topa cu e boto Venezolano Las Gemelas. Dos homber tabata abordo. Mescos cu algun dia pasa, e storia tabata cu nan ta perdi.
Algun dia pasa caba a haya botonan sospechoso y hendenan sospechoso a wordo treci tera y disparce den mesun area. Polisnan no a confia e asunto y a bay den accion pa busca refuerzo via lama. E dos piscadornan segun nan storia tin pisca den boto. Ora Maritiem Politie a yega, a confirma cu tin pisca putri den e boto. A tene ambos piscador Venezolano den dogacther mientras e investigacion tabata andando. Despues nan mes a wordo pidi pa bin bek den e boto y escolta pa boto di Polis a sali cu nan direccion Barcadera. Eynan a cuminsa cu investigacion mas profundo ainda. Warda Nos Costa tambe a wordo avisa.
Ta straño cu den menos cu dos siman ta haya mas y mas situacion straño cu cierto boto Venezolano den vecindario sea cerca di tera na Malmok of te hasta ancra den un di e bocanan na Boca Catalina. Pa colmo esaki a yega for di 1or di marduga y te mainta e melding a drenta. Ta parce cu un un buraco unda e radar parce no ta capta e botonan aki cu ta drenta di pabou.

Comments

comments

Dragon Fly