Gobierno di Aruba a pidi Corte den Prome Instancia pa nombra ex-Director di WEB, Ing. Jossy Lacle y Director di Departamento di Impuesto, Luenne Gomez-Pieters, como dirigentenan di e Fundacion Parke Arikok. E nombracion lo ta temporario, mientras cu Gobierno hunto cu e demas organisacionnan ambiental por yega na un directiva nobo pa e fundacion. E decision aki a bin despues cu e directiva di Fundacion Parke Arikok a dicidi di tuma nan retiro “en bloc” debi na diferencianan di opinion y presion politico di parti Minister Otmar Oduber.
