E dianan aki cierto problema rond di Sero Cristal ta duna impression cu no tin santo na Aruba of e prijs a subi pa yarda di santo. Esey ta un impresion robes pasobra ATCO al contrario cu tempo mas bien ta bahando e prijs di santo na Aruba. Cada biaha ta busca santo afo y ta controla e calidad y percura tambe pa baha e prijs. Durante entrevista cu Geraldine Oduber di ATCO el a kita cualkier duda cu por ta existi cu tin scarcedad di santo.
E ta comenta cu nan tin tres tipo di santo y piedra, di cual dos di nan ta importa y uno cu ta procesa na nan planta na Barcadera.
Sales office di ATCO ta bende esakinan cu contratistanan, clientenan residencial of comercial y tambe transporte cu ta bin busca santo y piedra cerca nan.
Con economico
Oduber a spica cu en principio nan tin tres diferente tipo di santo y piedra di cual tin tres diferente prijs. Naturalmente esun cu ta procesa localmente tin un prijs hopi mas atractivo.
Midimento di santo
ATCO tin un departamento di calidad, unda cu constantemente ta test tur tipo di material cu nan ta bende.
Santo a bira caro
A tuma nota di e publicacion cu santo a bira caro. Loke ta regarda ATCO, esaki no ta e caso. Nan no a ahusta ni hisa prijs di santo y piedra. Al contrario, nan tin na prijsnan stabil riba mercado.
Importa
ATCO continuamente ta busca alternativanan nobo. Ta busca di tur manera pa tin un prijs stabil riba mercado of te hasta ofrece un miho prijs pa comercio di Aruba.
Ekiponan special
Nan tin un conveyor belt unda cu unabes cu e barco yega e ta descarga y ta descarga riba e conveyor belt y ta yega mas lihe den nan patio. E barco ta mara na Barcadera.
Piedra
ATCO ta bende piedra tambe. Nan ta importa piedra y tambe ta procesa piedra a nan planta na Barcadera.
Den pasado e santo ta keda pa dia of simannan largo riba e tereno di Barcadera. Mirando e proceso moderno cu tin, Oduber a splica cu semper nan ta den innovacion cu tecnologia, no solamente den su planta. Pero tambe ta inverti den un conveyor belt, cual ta haci e descarga di e barco ta dura mas of menos 48 ora. No asina largo mas manera antes.
Scarsedad
Scarsedad di santo no tin, segun Oduber. Door cu den nan caso nan ta ofrece diferente opcion. Si acaso cu ta for di stock, tin otro opcion cu clientenan por scoge for di dje. Clientenan ta sali satisfecho di e calidad di material, servicio y naturalmente nan prijsnan. No ta truck di ATCO ta sali cu santo for di nan yard. Tin transportenan propio cu ta bin busca santo cerca nan.
