Fraccion di AVP: Gabinete Wever-Croes ta viola diariamente nos estado di derecho

268
rbc mobile banking

Ministernan di Gabinete Wever-Croes ta demostrando tur dia cu nan no ta respeta e derecho di estado democratico cu nos ta biba aden.

Banco di Caribe

Dos componente cu ta hopi ecencial pa nos sistema di ley y democracia ta pa Gobierno proteha y salvaguardia derechonan humano y un sistema di derecho unda huesnan por funciona independientemente.

Den e prome lunanan di Gabinete Wever-Croes a wordo comproba cu nan ministernan tur dia ta violando nos constitucion tumando un postura dictatorial creando un cultura di miedo. Enbes di pone enfoke riba plannan di gobernacion a dicidi di bai persigui e ser humano. Ora cubo scohe concientemente pa crea division den e pueblo entre ciudadanonan cu e mesun preferencia politico cu bo enbes di tin bienestar general na pecho, como Gobierno bo ta ignorando bo deber consitucional cu ta prohibi distincion riba rasa, sexo, preferencia politico. Gobierno tambe tin e obligacion di trata otro igual den casonan igual.Ta parce cu e deber consitucional aki no ta bal nada den wowonan di ministernan di Gabinete Wever-Croes. Desde prome dia cu a sinta a scoge pa deliberadamente haci distincion riba preferencia politico lubidando cu ta henter un pueblo bo ta sirbi.

E gobierno actual ta haciendo burla di nos sistema di derecho cu ta consisti di huesnan independiente y imparcial. No mucho dia pasa Minister encarga cu deporte sr. Oduber a expresa cu hues cu a trata caso di Lotto pa deporte lo ta complice pa perhudica deporte, djis pasobra e sentencia lo no a sali na su fabor.Nos lo a spera cu e minister lo a acepta e veredicto y si acaso e tin diferencia di opinion mes e lo por a limita su expreshonan di catalogo y burla e hues cu a trata e caso di Lotto pa deporte.

Minister actual encarga cu finanzas publico, sra. Ruiz-Maduro mescos cu su colega, tambe ta trapa riba nos estado di derecho. Ora cubo ta bay asina leu pa censura esnan cu ta critico riba bo, bo ta dunando indicacion cu bo ta viola e derecho di libertad di expresion cu ta un derecho sagrado di cada un di nos como cuidadano. Den e caso specifico aki e la manda nos, como representante di pueblo, pa no papia mas. Logicamente como parlamentario nos ta condena esaki pasobra niun biaha su persona a wordo bisa pe “cera su boca” ora cu cada biaha cu e tabata bin dilanti y tabata demostra di no tin conocemento di e materia.

Esaki ta djis algun ehempel cu ministernan di Gabinete Wever-Croes tur dia ta ignora, trapa y burla di nos estado di derecho locual nos no mester permiti. Si abo ta un ciudadano cu ta sinti su mes limita y e gobierno actual ta violando bo derechonan, sa cubo por acudi libremente serca nos como bo representantenan di partido AVP pa sali na vanguardia di bo derechonan.

Comments

comments

Dragon Fly