Cosecha ta ofrece tres workshops creativo pa publico e luna aki di februari. Esakinan ta wordo organisa conhuntamente cu artesanonan local y nan ta tuma lugar den Cosecha su Creative Center na San Nicolas.
Diabierna 23 di februari ta tuma lugar e Weaving Craft Workshop di e artesana Jess Wolff. Jess lo sinja e participante tecnica basico di un craft cu tin varios posibilidad pa crea piesanan. E workshop aki ta consisti di dos les, dia 23 di februari y dia 2 di maart. E horario di e workshop aki ta di 05.00 pm-07.00 pm y e edad pa participa ta 12 anja bai ariba. E prijs ta 55,00 florin inclujendo material y refreshment. Diasabra 24 di februari e artesana Natalia Koolman ta den Cosecha cu dos workshops. Mainta di 11.00 am – 01.00 pm participantenan ta cuminsa les cu pinta un mandala design riba un pida kwihi. Despues lo traha cu e pida kwihi y cabuya un ornamento pa colga. Edad pa por participa ta 10 anja bai ariba. E workshop aki ta costa 30,00 florin inclujendo material y refreshment.
Diasabra 24 di februari, pa parti merdia, di 02.00 pm-04.00 pm, ta bai tin un workshop di
Mandala canvas painting. E artesana Natalia lo prepara pa e workshop aki e canvas di e
participante segun e estilo “liquid pouring”. Durante e workshop, e lo duna un demostracion tambe di esaki. Riba e background colorido, e participante lo crea un Mandala bou di guia di Natalia. E workshop aki ta costa 45,00 florin inclujendo material y refreshment. E edad pa por participa ta 18 anja bai ariba. Inscripcion ta tuma lugar na Cosecha San Nicolas of na Cosecha Oranjestad. Pa mas informacion por tuma contacto cu Cosecha San Nicolas na telefoon 5878708 of Cosecha Oranjestad na telefoon 5878709. Tambe por manda un email na
[email protected]. Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.
