E aña aki buki di telefon ta disparce na Hulanda

355
E Hefe DMAX
RBC Mortage
CMB – Mobile Banking Nobo
Cumpra Lotto Online

Despues di mas o menos 25 aña di comercialisacion di internet, ya el a caba cu e buki di telefon, como guia pa busca number di telefon di usuarionan. E aña aki lo imprimi e ultimo edicion di “De Telefoongids” y di “Gouden Gids” na Hulanda.

DHL – Bogota
dia di tata garage cordia

E compania De Telefoongids (DTG) no ta mira necesario mas pa sigui imprimi e buki, awor cu e pueblo Hulandes den forma masal ta busca number di telefon y otro informacion di contactonan via internet. Di e mas o menos 3 miyon usuarionan di e buki di telefon, solamente 2% a bisa den un encuesta cu nan lo no por biba sin e buki aki como nan guia.

Si tene cuenta cu e 2% di usuarionan, ta cera solamente 60 mil abonado, cu e compania ta spera di por convence pa nan siña con pa traha cu internet pa por sirbi como nan guia pa yega na tur informacion di contactonan di telefon.

Historia di buki di telefon
E historia di buki di telefon na Hulanda ta data desde aña 1881, net 5 aña despues cu Alexander Graham Bell a patenta e prome telefon. E prome buki di telefon, emiti dor di e compania Nederlandse Bell-Telephoon Maatschappij, a conta cu nomber, adres y number di telefon di solamente 49 abonado! E prome buki di telefon nacional a sali na aña 1913 y tabatin e tempo ey 75 mil abonado den dje.

Foto cortesia Het Financieel Dagblad

Lamentablemente e companianan di buki di telefon no a conta riba e era digital y pio cu plataformanan di buskeda manera Google. Tur tempo e companianan cu ta produci y imprimi buki di telefon tabata minanan di oro. Asina na Hulanda, na final di aña 1997 (20 aña pasa) e compania VNU a paga 1.9 miljard Euro pa e “Gouden Gids” di Hulanda, Belgica, Irlanda, Portugal y Sur Africa, cu a bira e adkisicion di mas caro den historia di un “uitgeverij” Hulandes.

Comments

comments

Dragon Fly
Score cu Gillete