Diadomingo, pa mas of menos 5’or y 5 di marduga, un dama, manehando un Suzuki Alto color blauw, pa un motibo of otro lo a baha caminda y a dal net riba un palo di luz.
Esaki a sosode riba Sasakiweg. Testigonan den vecindario a duna un man den e accidente aki y alabes a yama polis. Eynan polis di Noord a tuma dato di loke a sosode. Segun e dama ta conta, un supuesto cacho a pasa su dilanti, cu e consecuencia cu el a baha caminda y a dal riba e palo di luz. Ambulance a presenta na e sitio, mirando cu e dama aki tabata herida. Despues di a atende cun’e, a hib’e hospital pa ricibi tratamento medico avansa. Daño material ta considerabel.
