Departamento di Calamidad ta pendiente y tin diferente cos ta bezig cun’e, relaciona cu cualkier invasion di Venezolanonan, of di cualkier parti di mundo. Tin atencion special pa Venezuela.
Rino Hermans, hefe di e departamento a splica desde 2006, Aruba ta preparando normal, manera cu ta normal pa horcan, ta prepara tambe pa masa imigracion di cualkier pais. Den e ultimo añanan, Venezuela a haya un atencion particular.
Tur hende conoce e situacion na Venezuela. Aruba ta preparando. E plannan ta, cu si en caso cu tin cu encontra cu e crisis ey, kico nos tin cu haci, con ta haci, ken ta responsabel. Eseynan ta poni riba papel.
Aruba no ta cla. Pero ta bezig ta preparando ainda. Tin hopi cos ainda pa atende cun’e. Si por ripara, Brazil, Colombia, tur ta bezig ta buscando un solucion. Tabata tin ultimo tempo Hulanda tambe cu a encontra cu e Sirionan, cu no ta un situacion facil. No ta un candela ta bay paga, pasobra esaki lo bay ta a termino largo. Una bes cu nan cuminsa yega, ta papia di añas y no di siman of luna pa bay bek na normalidad. Nos mester di un otro pais cu nan ta dispuesto pa acepta e refugiadonan cu a wordo registra na Aruba.
Decision final
Aruba a firma un tratado cu no ta un asunto cu ta bay tuma decision, pero e asunto cu tin cu bay registra y cumpli cu e tratado cu a wordo firma pa pais Aruba, cu nos ta un pais cu lo atende, registra y duna proteccion na refugiadonan. Pais Aruba ta responsabel. Nos no tin escogencia pa bisa si of no. Nos tin cu deal cun’e.
Con ta bay deal cun’e na nivel local
Segun Hermans, prome minister ta responsabel pa tur incidente, tur crisis, tur desaster na Aruba.
Sondeo
Desde 2006, ora cu United Nations a yuda Aruba traha su prome plan, ta un atencion mundial pa Venezuela. Desde e tempo aki, a acerca Aruba caba caminda cu ta yuda prepara pa atende cu e situacion. Nan a duna un indicacion, pero e maneho nobo tabata cu no lo haci uzo di ningun compleho deportivo. Ta den e fase cu awor aki tin un luga cu tin cu hinca e hendenan aki aden, no tin. Ainda ta sondeando, pasobra no mester lubida, cu ora cu introduci un campo pa e refugiadonan aki, bo ta bay pone presion riba un bario cu tabata biba trankilo. Ta hopi punto tin cu tene cuenta cu solamente bisa cu esaki ta e luga cu lo bay uza. Ta hopi check and balances, prome cu conseha prome minister, cu esaki ta e miho luga den e situacion aki. Cu tin un luga ideal na Aruba, no. Nos ta keda un isla unda cu introduci esaki, e lo bay haci un impacto secundario riba un bario. Ningun bario no kier wak un campo. Nan no a biba cun’e nunca. Tin hopi cos cu ta bezig cun’e. Ainda un conseho definitivo lo mester bin pa prome minister, cu esaki lo ta e prome opcion.
Refugiado
Calamidad ta deal cun’e y sa cu por ta tin algun dia incomodo. Tin algun siman incomodo. Manera st. Maarten algun luna. Pero refugiado ta bay papia di varios aña y e gasto cu e ta trece cun’e mensual, personalmente Hermans ta pensa cu no lo por carg’e sin ayudo internacional. Si mira Colombia mes, cu e ta costando 5 dollar pa dia pa cabes y nan tin mas of menos 76 mil refugiado registra. Ta costando 5 dollar for di e pais Colombia pa dia pa cada refugiado. Si cuminsa calcul’e na Aruba, en principio financieramente tampoco lo nos por carg’e. Pero tin cu cumpli cu e tratado y e ta firma. Ta trahando riba dje.
Deseo
Tin a base individual, ta drentando y awo cu e frontera ta cera, ta haci’e un tiki mas complica cu e hendenan aki ta haya nan mes obliga di registra, pasobra nan no por yega nan pais bek. E frontera ta cera. Si nan tabata tey, e titulo di refugiado cu tin cu deal cun’e. Tin hende ta yegando pa registra y Departamento di Calamidad ta atendiendo cu e situacion.
