Durante sorteo di merdia riba 31 di juli 2018, Lotto a saca e number ganado di e campaña Zomer di Cachi Cachi cu e weganan participante di Mini Mega, Mega Plus, Lotto 5, Lotto di Dia.
Tur hende cu a cumpra sea 2, 4 of mas combinacion di numbernan ariba mesun un ticket a participa den e campaña Zomer di Cachi Cachi como premio un ganado di 10 mil florin.
E number ganado cu a sali ayera durante e sorteo di merdia ta 109316 y a wordo bendi na Bloemond Lottery. Tur esnan cu a cumpra y a participa den e campaña di Zomer di Cachi Cachi pa controla nan ticket di Cachi Cachi, pasobra un di nan tin e ticket ganado di 10 mil florin.
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega y su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
