Algo pasa di 11or di anochi varios patruya di Noord a bay na un cas na Palm Beach pa un yiu homber cu a yega na cas y ta menasa su tata.
Ora e patruya a yega na e dicho cas ya e yiu homber a bandona e sitio na pia. Ora polis a bay busca rond no a logra topa cu e yiu homber pero un rato despues el a regresa na e cas. Ora el a mira polis el a cuminsa core pa polis pero mucho leu e no a yega.
El a bay sconde banda di e box di coriente di King David Apartment y eynan polisnan a yega na cantidad y a blokia su caminda di huymento. E no tabata tin caminda pa core mas. Polisnan a handle cune y a pone boei. A hinke den dogcatcher pa asina transporte pa warda di Shaba unda un subfiscal tabata warda riba dje.
