Diaranson den oranan di atardi a manda Polis den direccion di un cas na Turibana. A drenta informacion cu tin un caso di destruccion. Ora cu Polis a yega a topa cu un señora cu ta mama di un yiu di 19 aña. El a conta Polis cu a haya un discusion cu e yiu. E yiu no ta duna respet den cas. El a hasta cuminsa kibra cos den cas.
Varios cos a destrui y pesey e mama a yama Polis. Polis a scucha e mama y djey bay atende cu e yiu. Polis a papia hopi fuerte cu e yiu. A mustre cu falta di respet pa mama y causa destruccion no ta aceptable. Despues di hala su orea fuertemente Polis a bandona e sitio. E mama no kier a entrega keho pero si tabata kier pa Polis manda un mensahe cla y raspa pa e yiu.
