Riba bispo di bispo di Pasco, e team motorisa di Cuerpo Policial Aruba a tene un control di trafico. Nan tabata na mas cu un sitio na mesun momento. Green Corridor ta unda nan tabata mas visibel pero cu bon resultado. A reparti basta multa pa chauffeurnan cu pia mara riba trot.
Di un forma tactico tabata midi velocidad pa djey na rotonde di Ser’i Teishi atende cu nan riba nan comportacion den trafico y di biaha procesa e multa. Gran parti di e chauffeurnan no a discuti of rabia cu e polisnan. Hasta nan a admiti cu nan a surpasa e limite permiti pero ta motibo sea cu ta pura pa yega fiesta, busca yiu for di trabou of no kier yega laat na un ocasion special.
E polisnan a splica e chauffeurnan riba e consecuencia di stuur auto cu velocidad halto. Miho bo yega un poco laat cu algo mas pio pasa bo na caminda. Cabes abou nan tabata scucha y djey sigui nan caminda. Aunke a ricibi multa, gran parti di nan hasta tabata bisa polis “danki.”
Por spera mas tipo di control nan asina durante e dianan nos dilanti.
