Durante un atardi ameno na CEDE Aruba, minister di enseñansa Endy Croes hunto cu director di CEDE Aruba Daniel Tecklenborg y cabesante di Filomena College Raquel Lampe a inaugura proyecto WIZZU’CATION. Un proyecto dedica specialmente pa ciclo basico 2 MAVO , unda hobennan cu tin problema cu e materia por wordo yuda den e idioma Papiamento.
Giandra Erasmus, alumno di EPI sector salubridad y servicio ta lidera e projecto aki huntu cu docente e hoben Leandra Dijkhoff cu den su ultimo anja di Universidad a usa e projecto aki pa su graduacion den bachelor wiskunde opleiding. Wiskunde ta un materia dificil y vooral den idioma Hulandes. Leandra como docente di wiskunde tambe a analisa esaki y a pensa pa bin cu un solucion creando e website aki. “Pitch Time tabata net e programa cu nos ta tin mester pa asina yuda otro hobennan den e materia aki” Giandra a duna di conoce.
Leandra a splica kico tin riba e website entro otro e videonan di splicacion di e materianan na Papiamento cu ta haci mas facil pa e hobennan por compronde nan opdracht. Na banda di esaki tin werkblad pa nan por practica y sa si e contesta ta corecto. Durante 5 luna lo guia 20 hoben di La Salle College y Mon Plaisir MAVO y tambe a ricibi sorpresa di Filomena college cu a duna lokaal, computer gratis y un docente pa yuda guia e hobennan cuminsando januari benidero.
Un gesto cu ambos dama a aprecia masha hopi. Awor tin 40 hoben cu lo ta den e proyecto piloto aki cu ta supervisa pa CEDE Aruba y e projecto Pitch TIME.
Minister a keda encanta cu e proyecto aki y cu ta hopi content cu Filomena a join y a gradici CEDE pa yuda hobennan den trayectonan asina. E ta hopi orguyoso locual cu nos hobennan ta profilando den e proyectonan aki.
Algun di e hobennan tabata t’ey presente y tur ansioso pa cuminsa. Despues di mei 2022 lo evalua e proyecto piloto aki y por expande pa mas scol. Locual cu Leandra a gusta mas ta cu ta duna oportunidad na hobennan pa mehora nan materia y no mester paga p’e.
