Wit Gele Kruis no ta premira aumento di embaraso hubenil e aña aki

326

E doelgroep di Wit Gele Kruis pa loke ta embaraso hubenil ta entre 12 y 19 aña, cu enfoke entre 12 y 17 aña, mirando cu nan ta menor di edad, segun Monique Giel-Labad, tienermoeder consulent na Wit Gele Kruis. Ora cu ta 18 y 19 aña ta mayor di edad, pero tin nan den bestand, pasobra eynan nan tin un, dos of tres yiu caba y ta importante pa keda monitorea pa nan no keda haya yiu tras di otro y pa wak con nan situacion ta.

Hopi biaha ta bisa cu nan ta mayor di edad, pero ora cu topa nan den nan situacion, hopi biaha nan tin problemanan financiero, problemanan di scol, problema di opvoeding, problema na cas y segun plan di guia di WGK, ta guianan te mas of menos 21 pa 22 aña.

Wit Gele Kruis no ta premira aumento di embaraso hubenil e aña aki

Wit Gele Kruis no ta premira aumento di embaraso hubenil e aña aki. Click link pa mas https://24ora.news/302kAFE

Posted by 24ora on Wednesday, September 23, 2020

E cifranan

Pa varios aña caba WGK ta traha hunto cu varios instancia bayendo scol, dunando presentacion. Segun Giel-Labad, por bisa cu desde 2000 ta registra tur mama hoben y por bisa cu e ultimo tres añanan, e cantidad ta bao di 100. Aña pasa tabata 72 y e aña aki te awor cu ta september, tin 36 mama hoben registra, cual ta un punto hopi positivo. WGK ta hopi contento cu e desaroyo aki pasobra ta premira cu e ta bay keda bao di 72. Naturalmente tin cu warda e parti di october y november, cu ta e carnaval babies, pa asina wak e resultadonan di tur e campañanan cu tabata tin durante e periodo di carnaval. Por bisa cu aña pasa tabata tin 4 mama hoben cu locual cu ta algo despues di tur e añanan, tabata un bahada hopi bon mes. 

E aña aki lo wak con e situacion ta, si e ta keda e mesun cos of e ta bao di cuater. Tin cu warda esey pa wak e resultado. Por bisa si cu durante aña cu ta registra tur locual cu ta señala durante di aña y por bisa cu danki na e programa di prevencion, di cual Giel-Labad ta kere aden, por wak cu e ta yuda. Esey ta e forma con ta trec’e. Ta trec’e den forma di anticipa caba durante di charlanan y tambe den e prevencion, locual cu practica ta papia, esta praktijk ervaring. Eynan ta trece cu e muchanan por wak kico e situacion ta, no solamente den cifra of den duna e lezing, pero tambe por medio cu ta haci video, ta laga nan wak visual con e situacion ta bao di un mama hoben. Nan no ta wak tur e factornan cu ta hunga rond di dje.

Hopi biaha un mucha di 15 aña no sa carga e responsabilidad y eynan un biaha mas, tin cu cay den e parti aki cu tin cu duna guia. Pero e parti aki, ora cu ta wak cu por ehempel nan tin problema cu cierto opvoedingsfase, fase di desaroyo di e mucha, pero mas tanto cu ta bay over di opvoeding, ta verwijs’e door, den e caso aki na un tienda di educacion. Eynan nan por bay mas profundo den esey pa asina aki e mucha por haya tips, por haya guia, con pa lanta nan yiu. Of tambe cu Fundacion pa nos Muchanan, cierto actividad cu ta riba tereno, ta verwijs’e door y nan ta haya nan guia.

WGK ta haci nan huisbezoek. Nan ta haci nan intake y analisa e caso. Ta formula kico ta e problema cerca e mama hoben y ta verwijs’e door. Pasobra nan ta doorverwijs lijn na e instancia concerni. Eynan ta wak e cooperacion tambe. Ta kere hopi den cooperacion. Bo ta wak cu ta logra e meta, loke bo kier logra cu e tienermoedernan.

Durante di transcurso di aña cu ta bay señala tur e problemanan aki, no solamente esey cu ta laga e problema eynan, ta traha riba solucionnan pa esaki riba tereno preventivo. Bo no kier un mucha di 12, 13, 14 of 15 aña sali na estado y haya yiu. Eynan hopi biaha ta wak e problema rond di dje. Ora cu nan ta baby, ta bisa cu nan ta problemanan chikito. Ora nan ta bira mas grandi, e problema ta bira mas grandi. Eynan hopi biaha kier pa e mucha por mira cu e ta hoben y tin cu disfruta di su hubentud sanamente. Tin cu logra su meta cu ta caba scol.