Aruba completo lo presencia un evento extraordinario cu lo cende e spirito, lo brasa paz y lo celebra e poder di union. Prepara p’e Windsong Festival, un festival unico di su clase cu lo laga un y tur vibra, dia 29 di juli 2023.
Segun su promotor, Salim Hammami, den un mundo ansioso di conexion, Windsong Festival ta lanta como un faro accesibel di union. Cu un lineup eclectico cu ta pasa frontera, e festival aki ta priminti un experiencia inolvidabel pa tur esunnan cu asisti. For di e melodianan relahante di grupo live, te cu e ritmonan pulsante di DJ di renombre, tin un biahe musical prepara cu lo cautiva e sentidonan y lo conmove e alma.
E festival aki ta existi caba pa tres aña, aunke e biaha aki lo bay tin un edicion mas grandi, unda cu lo bay tin un produccion y logistica mas amplio. E festival aki ta un mescla grandi di diferente cos. Como un huesped, bo por bin y disfruta di e festival, cu lo ta fo’i mainta te cu anochi.
Manera mainta tin relahacion, of tambe bo por bin atardi caminda cu tin musica di e genero tecno, reague. Tin algo tur hende durante di Windsong Festival.
mainta lo tin un programa di Welness, cu lo cuminsa pa 8:30 am, cuminsando cu yoga, meditacion, ecstatic dance y tambe E’Mantra EP Live presenta pa Caricia y e conocido Natusha Croes.
Despues den ora di merdia, 2:00 pm, e vibracionnan musical lo tin un lineup hopi interesante, entre otro DJ Chuckie, CBass, DJ Yeimy, Enmeris, Nutzbeatz, Tsunami, Ty y Waves.
tambe lo bay tin Abril Love, Bassell Darwish, Roxy Delgado, Shine Flores, Aguilar, Jona, Myron, Nico Verploeg y Solar Plexus
LUGA
Windsong Fest lo tuma luga na Battata Beach Bar na Zeewijk. E luga aki ta realmente impresionante. E luga ta hopi grandi, bunita, tin e solo y tin tur cos. Hammami a indica cu e ta kere cu e luga ta realmente bunita p’a bin cu un movecion di e magnitud aki, pa trece un experiencia completo.
Ta un festival cu lo bay tin diferente area. Lo bay tin dos escenario, cual ta “Coconut Stage”, cual ta normal pa meditacion, yoga, ‘Healing Music’ y e parti di house cu tecno.
Djey tin Sun Stage, e escenario principal, caminda e bandanan lo presenta.
Fuera di esey lo tin ‘chill stops’. Tambe lo tin exposicion di arte riba santo. Lo tin hopi diferente luga durante e festival aki.
E festival lo cuminsa pa 8:00 am te cu 2:00 am. E parti di Wellness lo a di 8:00 am te cu 1:00 pm y e parti musical lo ta di 1:00 pm te cu 2:00 am.
Carchi lo ta disponibel riba Pay.aw. Tambe por bay na Citgo Boulevard, Essoville y Palm Beach. Tambe por cumpra carchi tambe na Battata Beach Bar.
Tin diferente ticket. Un ticket lo ta p’e programa di wellness cu ta na balor di $40 pa $50. Tambe tin ticket disponibel p’e parti musical tambe, na balor di $50 pa $60. Pero si bo ta interesa bo por busca bo ticket pa henter dia, bo por haya e ticket na balor di $70.
MAS CU MUSICA
Windsong Fest ta mas cu musica. E ta un experiencia cu bo por envolve bo mes den dje, cu ta fomenta e bienestar y paz interior. Participa den e actividadnan di wellness transformador manera meditacion, yoga, dansa extatico y vinyasa. Descubri bo harmonia interior mientras cu bo ta brasa e serenidad di e paisahenan impresionante di Aruba.
Loke ta distingui Windsong Fest ta su accesibilidad. E promotornan ta kere pa pone experiencia increibel na alcance di uni y tur, tanto n’e local como e publico internacional. Cu prijs economico y un ambiente inclusivo, e festival aki ta kibra tur barrera, dunando un bonbini na henter mundo pa uni n’e celebracion.
E ta un oportunidad manera ningun otro, un oportunidad pa conectta, crea recuerdo y forma amistad pa bida largo.
Comunidad di Aruba ta invita pa forma parti di historia, door di join n’e Windsong Fest y drenta den un mundo di musica, wellness y alegria puro. Hunto lo crea un ola harmonioso di positividad cu ta rezona hopi mas leu di e costanan di nos bunita isla.
No perde e evento extraordinario aki. Busca bo entradanan y laga Windsong Fest transporta bo na un reino di puro felicidad. Hunto nos lo skirbi un capitulo nobo den historia di paz, unidad y experiencia inolvidabel.
