Ministerio di Enseñansa, Directie Onderwijs, IBiSA y Superfood ta anuncia pa motibonan inespera e Koningsspelen 2018 ta wordo postponi for di dia 20 di april 2018 pa dia 9 di mei 2018.
E transporte di Hulanda pa Aruba di e “Konings Ontbijt” ta wordo haci via un barco di container y e barco cu tin e carga pa Aruba tabata involvi den un accident riba lama y mester a bira bek pa Hulanda. E pakketnan di “Konings Ontbijt” lo wordo manda via un otro barco y no lo yega na e feche planea.
Despues di deliberacion a wordo dicidi door di Minsterio di Enseñansa, Directie Onderwijs, IBiSA y Superfood cu lo postponi e fecha pa dia 9 di mei, 2018.
Nos ta gradici tur school, maestro, ayudante y e muchanan pa nan cooperacion pa cu e cambio di fecha.
