Pa loke ta e blackout di dia 9 di juni ultimo, segun Koolman, esaki ta relata na e motornan di e planta grandi. Manera indica, na prome instante, un instalacion cu WEB ta tumando over tin su kinderziekjes.
Di e incidente aki tabata tin un investigacion y a determina kico tabata e causa y a tuma medida. A tuma medida pa atende cu e causanan pa evita ripiticion. E ta relata cu coriente pa bay pa e sistema cu ta suministra e motornan cu combustibel.
Den un proyecto asina, semper tin cu bay cu cautela. Nan tin un departamento di Proyect Management, cual cu tempo a profesionalisa, pero tin biaha algun cos ta ‘fall in the crack’ cu no tin ful bista riba dje y esaki ta un di e casonan unda den e diseño, no a ripar’e.
Te ora cu e incidente a tuma luga, a ripara cu e sistema no tabata 100% manera anticipa. Si tin problema cu sistema, mester tin un back-up pa keda suministra combustibel. Ta algo cu nan ta reconoce cu mester atende y coregi.
E riesgo pa blackout ta presente, pero un di e factornan pa ora bay den piekperiode (den mas consumo), ta bay den e turbina di gas, esey ta un rekisito di nan mesun analisis di riesgo cu mester ta available pa e di dos siman di september.
